पिथ्वरागढ़ का एक गौं म भरि बरखा हूण से भौत उजाड़-बिजाड़ ह्वेगे

मीडिया लाइव न्यूज:  आज सुबेर सोमवार फजलेकि  रत ब्याण म बिजां बरखन बिजोक पड़ाळ दे. उन त अबि तक कैकि ज्यूँ-ज्यांन अर बडू नुकसान कि क्वी खबर नीच. पर   पिथ्वरागढ़  बटी अबि इतगा खबर आणी च कि बिज्यां बरखा हूणं से वख गौंवलूँ  खूणी भरि आफत ह्वेगे। य ख़बरसार पिथ्वरागढ़  क बंगापाणी तैसील बटि आणिच। यख  दाखिण गौं म  भिंडि  बरखा बरखण से उजाड़-बिजाड़ मचिगे।  भिन्डि जगौं म पुंगड़ा-पटळा-माटू पाणी दगड़ी बगि गे. याँ कि खबर बि आणि च ताख बटि। यीं घटना म एक मौ कि कूड़ी उजड़ि के भँयाँ म ऐगि.

बल खबर त या बि च कि छानि-गुठ्यार  टुटण से गोर-बछुरु कु भिन्डि नुकसान हुयूंच. इतगा छैं च कि बचणदरा बगत पर पौंचि गे छै. जौंल    गौंका लोखोंकि की मौ-मदद करि,  ब त ये जा णु च कि याँ म एक जननि फर भँडि चोट-भटाक लगिंच.

गौं वळू न बोलि कि राति भर बटि भौत तेज बरखा हूणि राइ. इनमा कैल नि सोचि छौ कि इन ह्वे जालु कि यीं बरखा म इतगा उजाड़-बिजाड़  ह्वे जालु. जब गौं क समणी भूस्खलन हवेगेंनि त तब सबि अपड़ि ज्यांन बचाण खुणि  इनै-फुनै दौड़ण बटिगे. याँका वजैसे  छान्यू म बंध्या गोर-बछुरों कु नुकसान ह्वेगे। भरि डौर  का मारि लोक-बागन अपणा कूड़ों का भितर बटि भैर ऐके अपणी ज्यांन बचाई.  गनीमत य रै कि कैकि मवसि घाम नि लगि के मनखि कि जिंदगी नि गै. जिला आपदा कंट्रोल भीतर बटि जो पता चलि वांका मुतबिक प्रशासन मौ-मदद करणा म लग्यूँ च. अर अबि के त क्वी बुरि खबर-सार निच.