फिर एक 12 बरस की अभगी नौनि तैं बागन ज्यांन से मार दे

जन कि वखका  पट्वरि विनोद कुमारन बोलि  नारायणबगड क इलका म ग़ैरबारम के देवेंद्र सिंह कि 12 बरस कि नौनी दृष्टि ब्याळी ब्यखुनि छानि म बाटिकि घौर खुणी लौटणी छै. याँ का बीच यानी वे बगत ई  बाटा म अचाणचकी बागन  वीं फर झप्यट्यू मार दे. नौनि फर वैका नंग अर दाँतूँ का गैरा घाव गया छा.वींकि चिल्लाण अर रूंण की आवाज गौं का लोग वे छोड़ खूणी दौड़िगीं, इनमा ऊँल खूब हल्ला-रोळी करि के बाग तै दौड़ाई. पर क्य कनु छै तब तक वीं अभगी नौनि ल प्राण छोड़ि याल छै.यीं बुरी घटना से सैरा इलका म भारी डौर अर देेेशत हूईंच. आप तैं बतैैं दिंदौं कि देवेंद्र सिंह गैरबारम गौं का प्रधान छिन।

पाड़ों म क्य नौन्याळ क्य बड़ा-छूटा मैला-पुरुष सब यूँ मनस्वग्या बुण पशु का शिकार हूँ णा छन याँ कु क्वी स्थाई हल निकलळण चैन्द. नाथिरी इनी मनखयूं की जिंदगी जाणी राली.